A.P.O.E.G.A.L.

A páxina é da autoría de José Ramón Vidal e ofrece unha manchea de Recursos para a Diversidade educativa.

Aplicacións da web 2.0

Actividades e recursos para a diversidade educativa

Noraboa

Benvidas/os ao blog de Apoegal.

Comezamos o novo curso 2008/2009 recomendando a lectura dun libro sobre novas tecnoloxías e atención á diversidade. Nas páxinas web que se facilitan na parte inferior podedes ler máis datos e comentarios sobre o libro:  "Las TIC para la igualdad".

Fonte informativa: Bitácora Tadega.net

Entidade editora : Trillaseduforma.com

A nosa compañeira Marta Moro (martamoro@edu.xunta.es) facilita a todos/as os/as interesados/as o DVD do seu agasallado traballo -do que xa fixemos mención noutra anotación - e fainos chegar os cuestionarios que non incluimos na primeira mención ao seu traballo.

O Diario Oficial de Galicia vén de publicar unha resolución do Instituto Galego de Consumo (IGC) pola que se dan a coñecer os gañadores dos premios convocados polo organismo dependente da Consellaría de Innovación e Industria ás teses de doutoramento e traballos de investigación realizados no eido do consumo. Á hora de conceder estes galardóns, o Instituto tivo en conta a orixinalidade dos proxectos, o interese do tema para Galiza, a aplicación práctica da investigación desenvolvida á realidade actual e a utilización da lingua galega na redacción do traballo.

Na modalidade de traballos de investigación, o primeiro premio correspondeu ao titulado “Imos á publicidade. Elaboración dun material educativo audiovisual para a identificación de contravalores na publicidade de televisión”, elaborado por Marta María Moro Rodríguez.

FONTE INFORMATIVA: GALICIA-HOXE

IMOS Á PUBLICIDADE

Un total de 157 centros participarán nun plan contra o fracaso escolar

Durante este curso, o PROA ampliouse a 76 centros educativos e o próximo curso 2007-2008 esta medida incrementarase aínda máis ata chegar aos 157 centros, o que significa duplicar o número de colexios e institutos.

O PROA ten dúas modalidades: a de acompañamento, na que participarán 77 colexios de primaria e 40 institutos de secundaria; e a de apoio e reforzo, que se implantará en 40 centros.

FONTE: LA VOZ DE GALICIA

Touriño destaca a aposta polos idiomas e a docencia ao presentar o plan de mellora educativa.

O plan prevé tamén reformar o número de docentes centrados en atender ao alumnado con necesidades específicas, incrementándose con 130 profesionais máis en orientación, pedagoxía, audición e linguaxe.

FONTE INFORMATIVA : LA VOZ DE GALICIA 

O curso que comeza o vindeiro outono completarase a gratuidade de libros de texto para o conxunto do ensino obrigatorio en Galicia. Primeiro e terceiro de ESO serán os novos cursos aos que se ampliará esta medida. O conxunto do programa suporá un investimento de 23,4 millóns de euros, dentro dos que se contempla a substitución dos manuais de primeiro, segundo, e sexto de primaria, que xa cumpriron os catro anos previstos de emprego.

O curso que comeza o vindeiro outono completarase a gratuidade de libros de texto para o conxunto do ensino obrigatorio en Galicia. Primeiro e terceiro de ESO serán os novos cursos aos que se ampliará esta medida. O conxunto do programa suporá un investimento de 23,4 millóns de euros, dentro dos que se contempla a substitución dos manuais de primeiro, segundo, e sexto de primaria, que xa cumpriron os catro anos previstos de emprego.

FONTE INFORMATIVA 

http://www.culturagalega.org/noticia_arquivo.php?id=9986